Իմ խենթ Երևան…

Իմ խենթ Երևա՜ն

Ամեն օրվա պես
Գիշերվա մթար ձեռքերը կրկին կոպերիդ կիջնեն…
Ամեն օրվա պես գիշերաշապկիդ
Աստղաթելերով ասեղնագործքը կտանի հեռու՜…
Քնատ փողոցով կքայլենք երկար…
Լուսինն իր ստվերը ձեռքով հոգատար
կնետի իմ մերկ, հոգնած ուսերին՝ որպես բրդե շալ..
Ոչ ոք չի լինի՝միայն ես և դու…
Կսիրենք իրար, իրար կգրկենք,
Խոստովանանքի անսպառ մի հեղեղ
Իր հորձանուտի մեջ մեզ կքաշի…
Ու կհասկանանք՝ անբա՜խտ ենք որքան,
Երբ բաժանված ենք, իմ խենթ Երևան…

Ն. Ավագյան
06.06.15

Իմ Երևա՜ն…

Իմ Երևա՜ն

Աշխարհի մեջ փոքրիկ աշխարհ,

Դու՝ աղ ու հաց, դու՝ սուրբ նշխար,

Ծածու՜կ կարոտ հեռուների,

Ներքին վայելք ու հիացմունք

Քո բաց գրկում ապրողների:

Դու հայկական երգ վարարուն,

Անսահման սեր ու նվիրում:

Դու գեղգեղանք, դայլայլ թռչնի,

Դու՝ ելևէջ, նու՜րբ մեղեդի:

Գարնանային խինդ ու բերկրանք,

Դու՝ աշնան վառ ներկապնակ,

Ամառային ջի՜նջ պարզություն,

Եվ ձմեռվա անմեղություն:

Հայի օրրան, հայ հոգու տուն,

Աստղածաղիկ՝ հայրենիքիս տաքու՜կ գրկում:

Խաղացկուն ծով, ուր նավերը

Ծածանում են առագաստներ մեծ հաղթության,

Վարարուն գետ, ուր պիտ մտնի հմու՜տ լողալ իմացողը,

Որ դեգերի ալիքներում հավերժության:

Դու՝բարի մայր, ով զգում է

Հայոց արյան ջերմությունը երակներում,

Դու՝սիրո երգ, որ հնչում է

Իրիկնային լուսավորվա՜ծ փողոցներում:

Խորհրդանիշ մեր ինքնության,

Դու՝վարդագույն զարդաշուշան՝

Ամուր պրկված հայոց կրծքին,

Անշահասեր, անապական:

Դու՝հուսալի և ցանկալի,

Դու՝գրկաբաց, հոգով լայնբաց..

Դու՝հնամյա և նաև նոր,

Դու՝մոգակա՜ն, անրջայի՜ն,

Դու՝գեղաթով ու անվրդով,

Հոգեզմա՜յլ, եթերայի՜ն,

Հայոց ոստան սիրազեղուն,

Դու անգին քար՝ վա՜ռ, պսպղուն…

Ոգեկանչ երգ այնպե՜ս խոսուն,

Իմ Երևան՝ հար մնայուն…

Ն. Ավագյան

12.10.14

Երևանի 2796-ամյակին

Երևանիս

 

Թեպետ  ծով  չունես  քո  գրկում  պահած,

Եվ  ո’չ  էլ  դու  ես  մեծ  ծովի  գրկում,

Անթիվ  հայասեր  նավերի  համար

Նավակայան  ես  դու  հանդիսանում:

 

Անթափանցելի  քո  լռության  մեջ

Հպարտ  հնչում  է  երգը  քո  փառքի,

Անցա~ծ  օրերիդ  լու~ռ  ուրվականը

Վկան  է  խոսուն  պայծառ  գալիքիդ:

 

Աշխարհով  սփռված  քո  որդիներին

Միմյանց  հետ  կապող  վարդագույն  օղակ,

Երևան  դարձար` երևան  գալով,

Հին, բայց  հավե~րժ  նոր  իմ  մայրաքաղաք:

 

 

                                                           Ն. Ավագյան

                                                                  12.10.13