Վահան Տերյանին

 

Վաղաթարշամ  կյանքիդ  ուղին  կարճ  էր, ավա՜ղ, մեծ  բանաստեղծ,

Աստեղաշուք  ու  վեհերոտ, հպարտութամբ  առաքինի,

Հեռացումի  նուրբ  քայլերով և  տրտմությամբ  անրջային

Անցար  ճամփան  քո  խոնջաբեկ, անեղծ  ճամփան  հավերժ  փառքի:

Նոր  մտքերով  լուսակնացայտ  ողողեցիր  խոսքը  հայի,

Տխրաշշուկ  քո  երկերով  բազու՜մ  վերքեր  ամոքեցիր:

Երազների  քո  աշխարհից  թեպետ  շատ  վաղ  դու  հեռացար,

Րոպեների  և  ժամերի, դարերի  մեջ  հավերժացար:

Յուրաբարո  երգիչ  ես  դու  սիրամրմունջ  հոգիների,

Աշնանային  մելամաղձոտ, երջանկաբեր  անձրևի:

Նազելաշուք  հայ  օրիորդին  ու  պատանուն  ընկեր  դարձար,

Ինչպես  սիրո  անմահ  պոետ  նրանց  փխրուն  հոգիներում

Նաիրասեր  դու՝ պատանիդ, քո  խենթ  երգով  անմահացար:

 

Ն. Ավագյան

17.02.14